NADAL BHAHAR

Rafaayal Nadal ko kle court ka baadshah maana jaata raha hai. Unhonne yahaan pichhle 10 mein se 9 baar khitaab apne naam kiya, lekin unhein apne career mein doosari baar French open mein Budhvaar ko haar ka saamana karna pada. Jab ye donon khilaadi aamne-saamane the to kuchh log ise final se pehle ka final ka maan rahe the. Lekin donon khilaadiyon ke form mein kitna antar raha, ye match shuroo hote hi pata chal gaya. Pehle set mein haalaanki donon khilaadiyon ne ek-doosare ke shauts ke javaab diye, magar jokovich behtar form ke saath aae the. Pehla set unhonne 7-5 se jeet liya. Doosare set mein bhi yahi kahaani barkaraar rahi. Doosra set bhi jokovich ne 6-3 se jeeta. Tournament shuroo hone se pehle Nadal ki fitnes aur unke faurm par savaaliya nishaan the. Vo quarter final tak zaroor pahunche, lekin unka asli imtihaan liya jokovich ne. Nadal teesara set bhi 6-1 se haar gaye aur vishv ke number 1 khilaadi novaak jokovich ne laal bajari ke raaja kahe jaane vaale Nadal ko seedhe seton mein 7-5, 6-3, 6-1 se maat de di. Aankadon ke lihaaj se - 11 saalon mein ye Nadal ki French open mein sirf doosari haar - tournament mein lagaataar 39 match jeetne ke baad unhein haar mili - French open tournament mein Nadal ki 72 maichon mein sirf doosari haar hai - pichhle 27 maichon mein novaak jokovich kisi se naheen haare - isse pehle donon khilaadi 6 baar French open mein takaraae the jismein do final mukaabale bhi shaamil the. Har baar Nadal ne jokovich ko dhool chataai magar saataveen baar jokovich ne apna badla le hi liya.